Մեր մասին

ՀԿ-ի առաքելությունն է տրամադրել փորձագիտական աջակցություն սոցիալական ոլորտի քաղաքականության մշակման և որոշումների ընդունման հարցում՝  նոր սոցիալական նախաձեռնությունների մոդելավորման, այլընտրանքային հետազոտությունների, վերլուծությունների և ազդեցության գնահատման ու մոնիտորինգի միջոցով`առաջարկելով լուծումներ միջազգային լավագույն փորձի հիման վրա, ինչպես նաև աջակցել Հայաստանի Հանրապետության կառավարության և հասարակական կազմակերպությունների միջև գործընկերության բարձրացմանը, զբաղվել կայուն տնտեսական զարգացման շրջանակներում մարդկանց քաղաքացիական գրագիտության և իրենց իրավունքների իմացության բարձրացմանը՝ հանրային իրազեկմամբ և քարոզչությամբ:

ՀԿ-ի տեսլականն է տեղեկացված քաղաքական որոշումների կայացման հիման վրա և այդ որոշումների շահառու հանդիսացողների հետ բաց երկխոսության և համագործակցության միջոցով նպաստել կայուն տնտեսական զարգացմանը և դրական սոցիալական ազդեցությանը։

ԱՐԴՅՈՒՆԱՎԵՏ ԹԻՄԱՅԻՆ ԱՇԽԱՏԱՆՔ

• Լինել հոգատար, աշխատել թիմով
• Մշտապես արձագանքել՝ տալով խրախուսող և կառուցողական առաջարկներ
• Սեփական նախաձեռնությամբ աջակցել թիմակցին, չսպասելով որ նա խնդրի
• Մշտապես կատարելագործվել և ուշադրություն դարձնել մանրունքներին
• Լուծել խնդիրները, գիտակցել սխալները, սովորել և շարժվել առաջ

ՆԵՐԱՌԱԿԱՆՈՒԹՅՈՒՆ

• Լսել, հարգել և լինել կարեկցող
• Լինել ճկուն և բաց ընդունելու առաջարկներ
• Սովորեցնել  և զարգացնել ուրիշներին
• Շարունակել սովորել և զարգանալ

ԳՈՐԾԸՆԿԵՐՈՒԹՅՈՒՆ

• Լինել հարգալից և համեստ
• Գերազանցել ակնկալիքները
• Սահմանել բարձր ստանդարտներ և ապահովելլ որակյալ արդյունքներ
• Իրագործել լավ գաղափարները

ՎՍՏԱՀՈՒԹՅՈՒՆ ԵՎ ՄԱՐԴԱՍԻՐՈՒԹՅՈՒՆ

• Լինել ուշադիր այն մարդկանց նկատմամբ, ում վրա ազդելու են ձեր որոշումները
• Լինել ճկուն և տրամադրել շահառուին միտված մասնագիտական ծառայություններ
• Քաջալերել ուրիշներին` գործելու և որոշումներ կայացնելու հարցում
• Նախաձեռնելլ փոփոխություն և լինել փոփոխությանը մասնակից
• Լինել թափանցիկ
• Կատարել ճիշտ գործողություններ
• Պատվով կատարել պարտավորությունները և լինել հաշվետու

• Նպաստել երկրի սոցիալական պաշտպանության ոլորտում քաղաքականության, օրենսդրության և որոշումների կայացման գործընթացների մշտական և հետևողական բարելավմանը.
• Ներկայացնել առաջարկություններ միջազգային լավագույն փորձի տեղայնացման և ներդրման համար
• Գնահատել և չափել առաջարկվող բարեփոխումների սոցիալական ազդեցությունը և պաշտպանել մարդու հիմնարար, սոցիալական և տնտեսական իրավունքները բնակչության շրջանում հանրային իրազեկման և շահերի պաշտպանության քարոզարշավների միջոցով
• Բարձրացնել սոցիալական պաշտպանվածության ներուժը` նպաստելով երկրի կայուն տնտեսական զարգացմանը
• Զարգացնել քաղաքացիական հասարակության կազմակերպությունների կարողությունները` ամրապնդելու սոցիալական գործընկերությունը սոցիալական ծառայությունների մշակման և մատուցման գործում:

Մեր թիմի հիմնական ձեռքբերումները ներառում են ինչպես անհատական, այնպես էլ մեր թիմային հաջողությունները, որոնք մենք արձանագրել ենք համատեղ աշխատելով և Ի․Էս․ԱՅ․ խորհրդատվական խմբի կազմում և ԱՄՆ ՄԶԳ ֆինանսավորմամբ իրականացվող մի շարք ծրագրերում, ներառյալ Կենսաթոշակային բարեփոխումների իրականացման ծրագիրը www.prip.am; Հայաստանի մրցակցային մասնավոր հատվածի ծրագիրը; Հայաստանի կենսաթոշակային և աշխատաշուկայի բարեփոխումների ծրագիրը; Հայաստանի սոցիալական պաշտպանության ծառայությունների հզորացման ծրագիրը, Հայաստան սոցիալական բարեփոխումների իրականացման ծրագիրը և այլն: Մեր թիմի անհատական կարողություններն ու ձեռքբերումները ներառում են.

• արդյունավետ քաղաքական երկխոսություն,
• գործընկերների կադրային ու կառուցվածքային կարողությունների զարգացում,
• ՏՏ նոր լուծումների ստեղծում սոցիալական ծառայությունների մատուցման ոլորտում,
• տվյալների վրա հիմնված և տեղեկացված որոշումների կայացում բնակչության, ներառյալ խոցելի և մարգինալացված խմբերի համար ծառայությունների մշակման և իրականացման հարցերում,
• գենդերային զգայուն քաղաքականության առաջարկություններ,
  արդյունքների վրա հիմնված մշտադիտարկում և գնահատում և
• հանրային իրազեկման արդյունավետ մոտեցումների մշակում: