Կրթության առանձնահատուկ պայմանների կարիքի գնահատման արդյունքները 2018 թվականին – Վիճակագրական վերլուծական հաշվետվություն
Կրթության առանձնահատուկ պայմանների կարիքի (ԿԱՊԿ) գնահատման արդյունքների ուսումնասիրության նախաձեռնությունն առաջ է եկել 2018 թվականի դեկտեմբերին, երբ ՅՈՒՆԻՍԵՖ-ի ֆինանսավորմամբ իրականացվող «Հաշմանդամության սահմանման գործիքների ու մեթոդաբանության ներդաշնակեցում և հաշմանդամություն ունեցող երեխաների մասին միջոլորտային տեղեկատվության փոխանակման և տվյալների կառավարման համակարգի ձևավորում» ծրագրի շրջանակում Հանրապետական մանկավարժահոգեբանական կենտրոնի գործընկերների հետ քննարկվում էին ԿԱՊԿ գնահատման արդյունքների արձանագրման գործող և առաջարկվող մոտեցումների դրական ու բացասական կողմերը։ ԿԱՊԿ գնահատման արդյունքների առաջարկվող մոտեցումը ենթադրում է Առողջապահության համաշխարհային կազմակերպության Ֆունկցիաների, հաշմանդամության և առողջության միջազգային դասակարգչի (ԱՀԿ ՖՄԴ) ծածկագրերի կիրառում, գնահատման արդյունքների վերջնական արձանագրության մեջ։ ԿԱՊԿ գնահատման արդյունքների արձանագրության ներկայիս ձևաչափը պահանջում է գնահատման արդյունքների ներկայացում ֆունկցիաների խանգարումների տեսքով, մինչդեռ բուն գնահատման գործընթացը դիտարկում և գնահատում է ԿԱՊԿ գնահատում անցնող երեխաների ֆունկցիոնալությունը՝ այսինքն, գնահատվում են երեխաների կարողություններն ու կատարողականը, գործունեությունն ու մասնակցությունն ու դրանց խոչընդոտող կամ նպաստող միջավայրային գործոնները։
Հայաստանի Հանրապետության էկոնոմիկայի նախարարի 19 դեկտեմբերի 2014 թվականի N 1139-ն հրամանը «Հայաստանի հանրապետության տեխնիկատնտեսական և սոցիալական տեղեկատվության «ֆունկցիոնալության, հաշմանդամության եվ առողջության դասակարգիչ» հաստատելու մասին http://www.irtek.am/views/act.aspx?aid=79110
Կրթության առանձնահատուկ պայմանների կարիքի գնահատման արդյունքները 2018 թվականին
