Տևողությունը՝ 2017թ դեկտեմբեր – 2019թ. մայիս. «Հայաստանում հաշմանդամության գնահատման գործիքակազմի և մեթոդաբանության ներդաշնակեցում և հաշմանդամություն ունեցող երեխաների վերաբերյալ տվյալների էլեկտրոնային փոխանակման ու միջգերատեսչական տեղեկատվության կառավարման ձևավորում» ծրագիր. երկրորդ փուլ
Ծրագրի նպատակն էր՝ ներդաշնակեցնել հաշմանդամության գնահատման գործիքակազմը և ընթացակարգերը, աջակցել տվյալների էլեկտրոնային փոխանակման ու միջգերատեսչական տեղեկատվության կառավարման ձևավորման գործընթացներին կրթության և սոցիալական ապահովության ոլորտներում՝ ներառյալ հաշմանդամություն ունեցող երեխաներին տրամադրվող ծառայությունների առկայության, հասանելիության և մատչելիության մշտադիտարկման մեթոդաբանության մշակումը և համապատասխան իրավական և նորմատիվ փաստաթղթերի լրամշակումը:
Ծրագրի հիմնական արդյուքներն են՝
- Հայաստանում հաշմանդամություն ունեցող երեխաների մասին հանրայնացման ենթակա տվյալների արագ գնահատման վերաբերյալ համապարփակ իրավիճակային հաշվետվություն՝ Հաշմանդամություն ունեցող երեխաների վերաբերյալ տվյալների առկայության, անհրաժեշտ տվյալների բացի և միջոլորտային տեղեկատվության փոխանակման վերլուծություն:
- Տվյալների հավաքագրման, մանկավարժահոգեբանական կարիքների գնահատման, հաշվետվության և տվյալների փոխանակման համար անհրաժեշտ ՏՏ համակարգի տեխնիկական առաջադրանքի ու բնութագրի մշակում և հանձնում ԿՏԱԿ-ին՝ համապատասխան ՏՏ լուծումների համար:
- Մշակվել և փորձարկվել են ՀՀ աշխատանքի և սոցիալական հարցերի, Կրթության և գիտության և Առողջապահության նախարարությունների միջև տվյալների փոխանակման և գնահատման նպատակով օգտագործվող գործընթացների քարտեզները՝ ըստ տարիքային խմբերի:
- Մշակվել և փորձարկվել են նոր գնահատման արձանագրությունները՝ ըստ հաշմանդամության տեսակի և տարիքային խմբերի:
- Մշակվել է երեխաների մանկավարժահոգեբանական աջակցության և գնահատման կազմակերպման ընթացակարգի մասին Նախարարի հրամանի նախագիծը:
- Կազմվել են Մարզային մանկավարժահոգեբանական աջակցության և Հաշմանդամության գնահատման կենտրոնների միջև տվյալների փոխանակման մեխանիզմի, ինչպես նաև իրավական շրջանակի նախագծերը. մշակվել են պատասխանատու անձանց աշխատանքային պարտականությունների բնութագրերը:
- Մշակվել է Հայաստանում երեխաների կրթական առանձնահատուկ պայմանների կարիքի գնահատման արդյունքների համապարփակ հաշվետվությունը: